Jashari, Qeverisë: Thërrisni mendjes dhe mos luani me kategoritë e luftës

196

Moebel THEMA

auto_uqk1465485573

Kryetari i Shoqatës së Familjarëve të Dëshmorëve, Xhavit Jashari, ka thënë se është i papranueshëm kushtëzimi apo ndalja e pensioneve për kategoritë e luftës së UÇK-së, në këtë rast familjeve të dëshmorëve.

Nëse Qeveria nuk e korrigjon gabimin, ai ka thënë se reagimi i shoqatave të luftës së UÇK-së do të jetë i ashpër.

Në një intervistë për “Epoka e Re”, Jashari ka thënë se të drejtat e familjarëve të dëshmorëve, të invalidëve dhe të veteranëve të luftës së UÇK-së janë të përcaktuara me ligj të veçantë dhe, sipas tij, Qeveria është e obliguar t’i përmbushë obligimet ndaj tyre.

Jashari i ka bërë thirrje Qeverisë dhe institucioneve të tjera t’i thërrasin mendjes dhe mos të luajnë me kategoritë e luftës së UÇK-së.

“Është e padrejtë dhe e paligjshme që prindërve të dëshmorëve t’u thuhet të zgjedhin se cilin pension duan ta marrin. Ata duhet të gëzojnë pensionin e moshës, por edhe pensionin për dëshmorët”, thotë ai.

Comments