Kim Kardashian u vodh nga hajnat serbë? (Foto)

206
Kim Kardashian thuhet se është viktima më e re e bandës së hajnave serbë, të njohur si Pink Panther.

Në orët e hershme të mëngjesit të të hënës, në rezidencën e ylli të famshëm amerikan hynë disa hajna, të armatosur, të cilët e kërcënuan me armë dhe i vodhën stoli në vlerë prej 11 milionë dollarë (9.8 milionë euro).

Vjedhja më e madhe e Pink Panther ishte kjo stoli në vlerë prej 103 milionë eurosh në Kanë.

Moebel THEMA

Mediat raportojnë se prapa këtij krimi qëndron banda Pink Panther, e cila është aktive që nga viti 1984, ndërsa deri më tani kanë vjedhur stoli në vlerë prej qindra miliona euro.

Banda, e cila ka pjesëtarë kryesisht nga Serbia dhe Mali i Zi, deri më tani ka vjedhur pasuri në vlerë prej 320 milionë euro.

Në vitin 2004, Nebojsa Denic (majtas) u dënua me 15 vjet burg dhe Milan Jovetic (djathtas) me pesë vjet burg, për shkak të një vjedhjeje në Londër. Që të dy tash janë të lirë.

Ata e morën nofkën Pink Panther pas grabitjes së një diamanti në Londër, në mënyrë të ngjashme me atë filmave “Pink Panther”.

Këta hajna kanë kryer grabitje në qendra të mëdha, si Kanë, Tokio, Singapor e Dubai, ndërsa përbëhen nga një rrjet prej 200 personash që e kanë të perfeksionuar zanatin e hajnisë.

Në grupin e tyre ka edhe femra. Bojana Mitic është në kërkim për pjesëmarrje në vjedhjen e vitit 2007 në Dubai.

Besohet se ata i kanë përcjellë mediat dhe rrjetet sociale të Kim dhe e kanë ditur se çfarë stolish kishte marrë ajo me vete në Paris dhe ku po qëndronte. /telegrafi

Comments