Presidenti i Filipineve Rodrigo Duterte ka krahasuar fushatën e tij të anti-drogës me Holokausin, duke thënë se ai do të linte sa më shumë të vrarë e të varur,ashtu  siç bëri Hitleri me hebrenjtë.

“Hitleri masakroi tre milionë hebrenj … ktu të ne ka 3 milionë vetë të varur nga droga. Unë do të isha i lumtur ti shfarosaja  ata sic beri Hitleri”,  tha ai.

Theksojme se të paktën gjashtë milionë hebrenj, si dhe pakica te tjera janë  vrarë nga nazistët.

Duterte ka ndërmarrë një ofensivë të përgjakshme kundër përdoruesve dhe tregtarëve të drogës, që kur mori detyrën në muajin qershor, raporton “BBC”.

Shifrat zyrtare thonë se më shumë se 3,000 njerëz janë vrarë nga operacionet policore ose nga vullnetarët.