Vladimir Putin dha sinjale shprese se Rusia do të ndalojë sulmet ajrore në qytetin Aleppo të Sirisë pas një takimi me udhëheqësit francezë dhe gjermanë që u zhvillua në Gjermani.

Gjatë bisedimeve, Presidenti i Francës Francois Hollande ka thënë: “Ajo që po ndodh në Aleppo është krim lufte”.

Rusia ka premtuar se sulmet mbi Aleppo do të pezullohen për 8 orë ditën e sotme, në mënyrë që mjekët t’i japin ndihmën mjekësore civilëve të plagosur dhe t’i transportojnë.

Putin premtoi se Rusia është e gatshme të ndalë sulmet për këtë kauzë, për aq kohë sa nuk ka përleshje me rebelët në Aleppo.

Kurse Merkel i konsideroi sulmet ajrore në Siri si “çnjerëzore dhe mizore”.