Sulmohen futbollistët dhe tifozët e Bashkimit [Video]

Dje me date 04 dhjetor 2022, ne stadiumin e lagjes Aerodrom Shkup, ne kuadër te xhiros se 15-te, u ndeshen k.f. Aerodrom – k.f. Bashkimi ka ndodhur një aksident, me ç’rast në mënyrë barbare janë sulmuar fizikisht lojtarët dhe tifozët e KF Bashkimi. Ne shkallet e stadiumit kishin udhëtuar edhe shikues e tifoz nga Kumanova për te përkrahur klubin e tyre.

“Deri ne minutën e 69-te, ndeshja rrodhi ne fryme sportive dhe pa asnjë vërejtje. Pikërisht, ne këtë minute, nga rruga, përmes pjesës administrative te stadiumit ne pjesën e tribunëve u futen 40 huligan me maska, bejsboll shkopinj, thika, zinxhirë, gurë e mjete tjera metalike, ku sulmuan ne mënyre shtazarake shikuesit/tifozët shqiptar dhe te tjerët qe ishin ne shkallet e stadiumit. Ekipi nikoqir, nuk kishte arritur te siguroj asnjë kusht për sigurinë e shikuesve (as kujdestar rendi, as polici, as persona te sigurimit fizik) dhe duke shfrytëzuar këto lëshime skandaloze, huliganet e kishin fare te lehte te depërtojnë dhe te realizojnë sulmin e tyre. Është vetëm mrekullia e Zotit, qe nuk kemi viktima dhe e tëra kaloi me lëndime dhe dëme materiale. Gurët dhe shkopinjtë përfunduan edhe në teren, duke rrezikuar edhe jetën e vetë lojtareve tanë”, thuhet në komunikatën e lëshuar nga kryesia e KF Bashkimi të cilët theksojnë se grup në fjalë s’ka qene prezent në stadium, por janë organizuar jashtë saj, me te vetmin qellim, rrahjen brutale te shqiptareve në shkallet e stadiumit./Alsat.mk