Një vajzë 12-vjeçe, Laurenta Hasani, u hodh nga ballkoni i katit të tretë të pallatit në Prishtinë sepse policia kishte ardhur ta nxirrte jashtë familjen e saj dhe shumë të tjera, pasi i konsideronte “uzurpues të godinës”.

Sipas të atit, vajza e ka përjetuar keq ardhjen me zhurmë të policisë, duke tronditur dyert dhe duke nxjerrë jashtë banorët që bërtisnin dhe qanin.

Gjatë paradites ajo shpeshherë ka përjetuar ankth duke pritur policinë dhe në një moment, është hedhur nga ballkoni duke u plagosur rëndë.