VMRO-DPMNE-ja në reagimin e kumtesës së Prokurorisë Speciale Publike (PSP) thekson se e kupton dhe e mbështet revoltën e qytetarëve të Ohrit kundër, siç qëndron në kumtesë, ndjekjen politike, të cilën me porosi e zbaton prokuroria selektuese publike.

Nga partia përkujtojnë se e drejta e protestës është e garantuar me Kushtetutën e Republikës së Maqedonisë, e cila në nenin 21 thotë se qytetarët kanë të drejtë qetë të mblidhen dhe të shprehin protestë publike dhe siç theksojnë, kërcënimet nga ana e PSP-së të drejtuara pas mbajtjes së protestës janë edhe një akt i cili shkurtohet me aktin më të lartë ligjor.

“PSP-ja është turp për sistemin gjyqësor. Thirrja e rreth 200 persona vetëm për shkak të asaj që janë anëtarë të një partie politike nuk është asgjë tjetër, por diskriminim në bazë politike dhe ideologjike”, konsiderojnë nga VMRO-DPMNE-ja.