Kasami e Zendeli i ftojnë në takim Selën e Ostrenin (Dokument)
Kryetari i Lëvizjes Besa Bilall Kasami dhe ai i RDK-së Fadil Zendeli u shkruajn Selës e Ostrenit për takim të përbashkët
I nderuari z. Zijadin Sela, kryetar i LRPDSH-së,
I nderuari z. Gëzim Ostreni, kryetar i UNITETI-t,
Ju shkruajmë me dëshirën dhe vullnetin e mirë për një takim të përbashkët të partive të reja opozitare shqiptare në Maqedoni. Duke konstatuar se komisionet e formuara nga dy partitë tona nuk mund ta shtyjnë më tej këtë dialog, Ju ftojmë që të mërkurën (më 12.10.2016) në orën 12.00 në hotelin “Aleksandar Palace” në Shkup të takohemi bashkërisht për t’i diskutuar mundësitë e këtij bashkëpunimi.
Pasi që tashmë kemi arritur një koalicion ndërmjet BESËS dhe RDK-së, por nuk e kemi solemnizuar duke pritur zgjerimin e tij, po e marrim ne iniciativën (gjithnjë duhet të gjendet dikush që e bën hapin e parë) që ta organizojmë këtë takim të përbashkët me pjesëmarrje të kryetarëve të partive përkatëse, për të dhënë fillimisht frymën e bashkëpunimit, që pastaj do të rezultojë me komunikimin dhe dialogun e grupeve të punës, që ato të mund ta vazhdojnë procesin e bashkërendimit të aktiviteteve për arritjen e këtij synimi./Lajm
Duke pritur përgjigjen Tuaj.
Me nderime
Bilall Kasami, kryetar i Lëvizjes BESA
Fadil Zendeli, kryetar i Rilindjes Demokratike Kombëtare
