Komisioni Shtetëror Zgjedhor në seancën e sotme duhet t’i rishikojë dhe të vendosë për ankesat e dorëzuara në lidhje me procesin e votimit në rrethin e parë të zgjedhjeve lokale.
Në afatin e paraparë me ligj në KSHZ u dorëzuan gjithsej 46 ankesa, ndërsa më shumë dorëzoi OBRM-PDUKM (43) dhe nga një Aleanca për Shqiptarët, E Majta dhe TMRO, përcjell Telegrafi Maqedoni.
KSHZ është e detyruar të vendosë për ankesat në afat prej 48 orëve, nga pranimi i tyre.
Më pas kundër vendimit të KSHZ-së, mund të dorëzohet ankesë në Gjykatën Administrative në afat prej 24 orëve nga pranimi i vendimit. Ndërsa më pas Gjykata Administrative është e detyruar të vendosë në afat prej 48 orëve nga pranimi i saj.
Ndryshe, rrethi i dytë i zgjedhjeve lokale do të mbahet më 29 tetor.