Takimi Mickoski-Taravari, VLEN: Është caktuar agjenda për bashkëqeverisje

Kryetari i VMRO-DPMNE-së, Hristijan Mickoski sot ka vizituar shtabin qendror të VLEN-it në sheshin “Skënderbeu” në Shkup, përcjell TV21. Mickoski është takuar me njërin prej liderëve të VLEN-it, Arben Taravarin. TV21 pyeti VLEN-in se për çfarë është biseduar në takim, dhe pse nuk kanë qenë prezent liderët e tjerë, nga atje na thanë:

“Është caktuar agjenda për bashkëqeverisje, kryesisht synimi për luftimin e krimit dhe korrupsionit. Të gjithë liderët janë në koordinim të plotë për takimin, por kishin aktivitete në teren meqenëse janë bartës liste nëpër zona”, thonë nga VLEN për TV21.